【條女好清楚收兵好過嫁人，有種關係叫陳先生 ‧ 鄭小姐】
今日喺各大page都見到一張圖，係一張令人忍唔住笑，但係又心裡默默流淚既畫面.....一個女仔喺Instagram度放左自己畢業典禮既相，隻手緊緊咁挽住西裝骨骨既男仔度，當我地以為佢係女仔既男朋友嗰時，一句「他不是男朋友，卻比男朋友更親更重要」拮穿左美好既泡泡。
原來佢地只係百萬個「娘娘與兵仔」既故事其中之一。
「我跟他永遠不是戀人」「佢已經訓練有素，等幾個中(鐘)都唔會發脾氣」呢啲說話由女仔口中講出黎，其實真心都幾hurt。因為我中意你，所以我願意花時間等你；因為我中意你，所以無論你幾野蠻我都依然去守護你；因為我中意你，所以你唔開心我肯比機票錢、使費你去澳洲散心。我中意你，只渴望有日你會比我感動到，會比我一個名份。
可惜你利用我既真心，一而再再而三咁拒絕我。不過我每次想放棄既時候，你又會低頭講唔捨得，咁你叫我點離開你？點樣放走你，等你自己獨自喺猛獸獵食既森林裡面遊走？
結語：
所謂既娘娘最恐怖就係好識得捉啲兵仔既心理，有時我真係以為佢地係林保怡，望一望佢地既眼神就知道幾時要派軍糧，派完先再慢慢玩佢。如果一啲專一痴情既男仔，可能已經浪費左佢10年8年喇..另一邊廂，個娘娘拍拍蘿柚扮純情搵人埋左單lu。
#代入左兵仔角度去寫
#希望你地feel到由始至終兵仔都唔知最錯嗰個係自己
Search